*(ຂປລ):ທ່ານ ທອງສິງ ທຳມະວົງ, ກຳມະການກົມການເມືອງສູນກາງພັກ ປປ ລາວ, ນາຍົກລັດ ຖະມົນຕີແຫ່ງ ສປປ ລາວ ໄດ້ຕ້ອນຮັບ ແລະ ພົບປະໂອ້ລົມຢ່າງສະໜິດສະໜົມ ກັບທ່ານ ຫງວຽນ ແທັງ ບິງ, ກຳມະການສູນກາງພັກ, ເລຂາຄະນະພັກ, ປະທານສະພາປະຊາຊົນ ແຂວງຮ່າຕິງ ໃນຕອນເຊົ້າວັນທີ 31 ມີນາ 2011 ທີ່ສຳນັກງານນາຍົກລັດຖະມົນຕີ ໃນໂອກາດທີ່ນຳພາຄະນະມາຢ້ຽມຢາມ ແລະ ເຮັດວຽກຢູ່ ສປປ ລາວ ແຕ່ວັນທ ີ 29/3-4/4/2011 ແລະ ຊົມເຊີຍຜົນສຳເລັດອັນສະຫງ່າງາມ ກອງປະຊຸມໃຫຍ່ຄັ້ງທີ IX ຂອງພັກປະຊາຊົນປະຕິວັດລາວ.ໃນການຕ້ອນຮັບທ່ານ ທອງສິງ ທຳມະວົງ ໄດ້ສະແດງຄວາມຍິນດີຕ້ອນຮັບ ແລະ ຕີລາຄາສູງ
ໃນການມາຢ້ຽມຢາມ ສປປ ລາວ ຂອງຄະນະຜູ້ແທນໃນຄັ້ງນີ້ ອັນເປັນການປະກອບສ່ວນ ໃນການເສີມຂະຫຍາຍ ສາຍພົວມິດຕະພາບ ຄວາມສາມັກຄີແບບພິເສດ ແລະ ການຮ່ວມມືຮອບດ້ານ ລະຫວ່າງ ລາວ-ຫວຽດ ນາມ ທີ່ມີມູນເຊືອອັນດີງາມມາແຕ່ດົນນານ ເວົ້າລວມ, ເວົ້າສະເພາະ ກໍຄື ການພົວພັນຮ່ວມມື ລະຫວ່າງ ສອງສະພາ ໃຫ້ນັບມື້ກ້າວສູ່ລະດັບສູງໃໝ່ ຢ່າງບໍ່ຢຸດຢັ້ງ. ພ້ອມນີ້ ທ່ານ ທອງສິງ ທຳມະວົງ ຍັງໄດ້ແຈ້ງຜົນສຳເລັດອັນສະຫງ່າງາມ ຂອງກອງປະຊຸມໃຫຍ່ຄັ້ງທີ IX ຂອງພັກປະຊາຊົນປະຕິວັດລາວ ໃຫ້ທ່ານ ຫງວຽນ ແທັງ ບິງ ຊາບ ຊຶ່ງກອງປະຊຸມ ໄດ້ເລືອກຕັ້ງເອົາທ່ານ ຈູມມາລີ ໄຊຍະສອນ ເປັນເລຂາທິການໃຫຍ່ຄະນະບໍລິຫານງານສູນກາງພັກອີກສະໄໝ. ພ້ອມນີ້ ທ່ານ ຫງວຽນ ແທັງ ບິງ ໄດ້ສະແດງຄວາມຊົມເຊີຍ ແລະ ເຊື່ອໝັ້ນວ່າ ພາຍໃຕ້ການນຳພາອັນສະຫລາດສ່ອງໄສ ຂອງພັກປະຊາຊົນປະຕິວັດລາວ ຈະເຮັດໃຫ້ປະເທດ ລາວຍາດໄດ້ຜົນສຳເລັດໃໝ່ ໃນການສ້າງສາພັດທະນາປະເທດຊາດ ຕາມແນວທາງນະໂຍບາຍທີ່ວາງໄວ້ ຄຽງຄູ່ກັບຜົນສຳເລັດດັ່ງກ່າວ ສາຍພົວພັນມິດຕະພາບ ແບບພິເສດ ລາວ-ຫວຽດນາມ ຈະໄດ້ຮັບການເສີທຂະຫຍາຍຢ່າງບໍ່ຢຸດຢັ້ງ.
